Anugrahathin adhipathiye / അനുഗ്രഹത്തിന്നധിപതിയേ

 

അനുഗ്രഹത്തിന്നധിപതിയേ! അനന്തകൃപ പെരുംനദിയേ!

അനുദിനം നിൻ പദംഗതിയേ! അടിയനു നിൻ കൃപമതിയേ!

വൻവിനകൾ വന്നീടുകിൽ- വലയുകയില്ലെൻ ഹൃദയം 

വല്ലഭൻ നീയെന്നഭയം - വന്നീടുമോ പിന്നെ ഭയം?

                                                       ( അനുഗ്രഹത്തിൻ...)

തന്നുയിരേ പാപികൾക്കായ് - തന്നാവനാം നീയിനിയും 

തള്ളീടുമോ ഏഴയെന്നെ!- തീരുമോ നിൻ സ്നേഹമെന്നിൽ

                                                        ( അനുഗ്രഹത്തിൻ...)

തിരുക്കരങ്ങൾ തരുന്ന നല്ല - ശിക്ഷയിൽ ഞാൻ പതറുകില്ല 

മക്കളെങ്കിൽ ശാസനകൾ - സ്നേഹത്തിൻ പ്രകാശനങ്ങൾ 

                                                       ( അനുഗ്രഹത്തിൻ...)

പാരിടമാം പാഴ്‌മണലിൽ - പാർത്തീടും ഞാൻ നിൻ തണലിൽ 

മരണദിനം വരുമളവിൽ - മറഞ്ഞീടും നിൻ മാറിടത്തിൽ

                                                       ( അനുഗ്രഹത്തിൻ...) 

Jayam Jayam Halleluyah / ജയം ജയം ഹല്ലേലുയ്യാ ജയം ജയം

 

ജയം ജയം ഹല്ലേലുയ്യാ ജയം ജയം എപ്പോഴും 

യേശുനാഥൻ നാമത്തിനു ജയം ജയം എപ്പോഴും 

പാപത്തേയും രോഗത്തേയും ക്രൂശിന്മേൽ താൻ വഹിച്ചു 

സാത്താനേയും സൈന്യത്തേയും കാൽവറിയിൽ തോൽപ്പിച്ചു 

ശത്രുഗണം ഒന്നാകവെ ചെങ്കടലിൽ മുങ്ങിപ്പോയി 

വൈരിയുടെ എതിർപ്പുകൾ ഫലിക്കയില്ലിനിമേൽ

 

വാദ്യഘോഷങ്ങളോടു നാം ജയത്തിന്റെ പാട്ടുകൾ

ആഘോഷമായ്‌ പാടീടുക ശുദ്ധിമാൻമാർ സഭയിൽ 

രക്തം കൊണ്ടു മുദ്രയിടപ്പെട്ട ജനം ഒന്നിച്ചു 

കാഹളങ്ങൾ ഊതിടുമ്പോൾ ഭൂതലം വിറയ്ക്കുമേ 

തകർക്കുന്ന രാജരാജൻ സൈന്യത്തിന്റെ മുമ്പിലായ്‌ 

നായകനായുള്ളതിനാൽ ജയം ജയം നിശ്ചയം 

ഹല്ലേലുയ്യാ ഹല്ലേലുയ്യാ ഹല്ലേലുയ്യാ ജയമേ 

ഹല്ലേലുയ്യാ ഹല്ലേലുയ്യാ ഹല്ലേലുയ്യാ ആമേൻ  

Karuna Kadale njan nokkum / കരുണക്കടലേ ഞാൻ നോക്കും

 കരുണക്കടലേ ഞാൻ നോക്കും 

ദേവാ! തനയാ! എൻപാപം പെരുകി 

പിഴകൾ വർദ്ധിച്ചയ്യയ്യോ! 

കഴുകണമെന്നെ സോപ്പായാൽ 

ഏകണമെൻ ബാഷ്പാൽ വെണ്മ 

പിതൃസ്നേഹത്താൽ യാചിക്കുന്നേൻ ഞാൻ 

ഹസിക്കരുതേ എന്നെ വൈരി 

തേറും നരരിൽ ദൂതന്മാർ പ്രീതന്മാരായ് 

തീർന്നിവ ചൊല്ലട്ടെ 

അനുതാപികളിൽ തൻ വാതിൽ 

രാപകലിങ്ങു തുറന്നീടും ഹാലേലുയ്യാ 

നാഥാ സ്തുത്യൻ നീ 

നോക്കണമെൻ ദുരിതം നാഥാ 

പലതരദോഷം ഞാൻ ചെയ്തു കോപിപ്പിച്ചു 

ശരണമെനിക്കില്ല 

വൈദ്യന്മാർ പക്കൽ ഞാൻ പോയ് 

അവരൗഷധമെല്ലാം  ചെയ്തിട്ടിലൊരു ഗുണവും 

എൻ വ്രണമോ കഠിനം 

നൽവൈദ്യാ നിന്നേയും നിൻ 

ഔഷധഗുണവും ഞാൻ കേട്ടു 

നിങ്കൽ വരുന്നേൻ സുഖമേൽക്കും നൂനം 

എൻ പാപത്തിൽ ഞാൻ ചാകാൻ 

ഇടയാകരുതയ്യോ നാഥാ! എൻ ബാഷ്പങ്ങൾ 

ചൊരിഞ്ഞീടുന്നിപ്പോൾ 

 അജമോ മാടോ ചെങ്ങാലിയോ 

കുറുപ്രാവിൻ കുഞ്ഞുങ്ങളേയോ 

കാഴ്ചയതായിട്ടർപ്പിക്കുന്നില്ല

ശെമഓൻ തൻ ഭാവനേ വന്ന 

പാപിസ്ത്രീപോലിരുതുള്ളി കണ്ണീർ 

കൊണ്ടെൻമേൽ ദയ തോന്നണമേ 

തിരുജനകൻ സ്നേഹത്താലും 

മാതാവിൻ പ്രാർത്ഥനയാലും ഹാലേലുയ്യാ 

പൊറുക്കണമെൻ പിഴകൾ  

Request a Lyrics

Please use this section to suggest a lyrics. We will try to add it as soon as possible.

Christian Malayalam Prayer After Food / ഭക്ഷണം കഴിഞ്ഞുള്ള പ്രാർത്ഥന

 ഭക്ഷണം കഴിഞ്ഞുള്ള പ്രാർത്ഥന 

ദൈവമേ നിന്റെ കൃപയും വാഴ്വും  നിമിത്തം നിനക്കു സ്തുതി. ഞങ്ങളെ തീറ്റി തൃപ്തിപ്പെടുത്തിയതിനാൽ നിനക്കു സ്തുതി. നിനക്കുള്ളതിൽ നിന്നും ഭക്ഷിച്ചും പാനം ചെയ്തും ജീവിക്കുകയാൽ നിന്റെ കരുണ നിമിത്തം നിനക്കു സ്തുതി. നിന്നെ സ്തുതിപ്പാനും നിന്റെ ഇഷ്ടം ചെയ്‍വാനും ഞങ്ങളെ യോഗ്യരാക്കേണമേ. ആമ്മീൻ.

Christian Malayalam Prayer Before Food / ഭക്ഷണത്തിനു മുൻപുള്ള പ്രാർത്ഥന

 ഭക്ഷണത്തിനു മുൻപുള്ള പ്രാർത്ഥന 

കർത്താവേ നിന്റെ കൃപയാൽ ഭക്ഷിപ്പാനും പാനം ചെയ്യുവാനും നീ ഞങ്ങൾക്കു തന്നിട്ടുള്ള ആഹാരത്തേയും കരുണയേയും ഓർത്തു നിന്നെ സ്തുതിക്കുകയും വന്ദിക്കുകയും ചെയ്യുവാൻ ഞങ്ങളെ യോഗ്യന്മാരാക്കേണമേ. ആമ്മീൻ 

Unarvin varam labhippaan / ഉണർവിൻ വരം ലഭിപ്പാൻ

 ഉണർവിൻ വരം ലഭിപ്പാൻ 

ഞങ്ങൾ വരുന്നു തിരുസവിധേ 

നാഥാ... നിന്റെ വൻ കൃപകൾ 

ഞങ്ങൾക്കരുളൂ അനുഗ്രഹിക്കൂ 

1. ദേശമെല്ലാം ഉണർന്നീടുവാൻ 

   യേശുവിനെ ഉയർത്തീടുവാൻ 

   ആശിഷമാരി അയയ്‌ക്കേണമേ 

   ഈ ശിഷ്യരാം നിൻ ദാസരിന്മേൽ( ഉണർവിൻ...)

2. തിരുവചനം ഘോഷിക്കുവാൻ 

   തിരുനന്മകൾ സാക്ഷിക്കുവാൻ 

   ഉണർവിൻ ശക്തി അയയ്ക്കേണമേ

   ഈ ശിഷ്യരാം നിൻ ദാസരിന്മേൽ( ഉണർവിൻ...)

3. തിരുനാമം പാടീടുവാൻ 

   തിരുവചനം ധ്യാനിക്കുവാൻ 

   ശാശ്വത ശാന്തി അയയ്ക്കേണമേ 

   ഈ ശിഷ്യരാം നിൻ ദാസരിന്മേൽ( ഉണർവിൻ...)